Taipei 2013 Day 5

by 12:06 PM
最後一日喇。因為我地搭夜晚7 點機,仲有大把時間玩 ~ 嘿嘿

第一站係去<阜杭豆漿>食早餐,哩間<阜杭豆漿>在網絡上很有名,隨便 GOOGLE 一下都有好多相關介紹,咁點都要試一試啦。

<阜杭豆漿>為於華山市場,搭捷運到善導寺站5號出口,上到地面向前行到轉角位你就應該見到人龍喇,跟住指示......排隊......等.......。

我地當日去到又唔係十分多人,大約等幾個字就上到去。上到去其實就等同香港街市內的熟食市場,買完野食自己搵位坐。<阜杭豆漿>只做早市,營業時間只到中午12點半 (要食就請早喇)。我叫了一個厚燒蛋餅,呆太太本來係叫蔥花咸餅,但佢地俾錯焦糖甜餅... 個餅其實普普通通無咩特別,但個豆漿我個人覺得就幾好味喇。哩次亦都係我第一次食哩類中式豆漿早餐。






食完早餐我地返西門町,因為呆太太要去 PHANTACi 買鞋同埋買手信。搞惦晒就返酒店執野同 check-out,落到 Lobby 見到 TVB 成班人準備拍野。Check-out 之後我地仲要去買一樣野 - "油蔥酥",之前睇過介紹話哩間 <阿妹麵店> 個油蔥酥好出名,於是我地專登搭幾個捷運站過去買,買完就再去 encore 一次 <無老鍋>。


食完返酒店拎行李返香港 ~ 哩個台北之類就咁完結喇。

- 台北之旅完 -

參考資料

  • 阜杭豆漿
    營業時間: 5:30-12:30、周一公休
    地址: 台北市忠孝東路一段108號2樓華山市場之18
  • 阿妹麵店
    電話:02-2364-4732
    地址:台北市中正區南昌路二段105號

Taipei 2013 Day 4

by 12:05 PM
今日主要行程係去<上引水產>同<大碗燒肉> ....

我地早餐都無食,十一點就搭的士去<上引水產>喇。網上面有好多對<上引水產>唔同的評價,有人話好食、有人話唔好食。無論好食定唔好食,有一樣好肯定,就係好多人 !!!






<水引水產>入面分開唔同區域,有賣水產的,有賣壽司刺身的,有賣碗筷的。堂食方面有食壽司區,有食蟹區,有火鍋區,有燒烤區。基本在<上引水產>入面你唔會搵到坐的地方 (只有火鍋區同室外的燒烤區係有得坐),要食野 .... 就只得 "立食"。

我地叫了一個海鮮併盤,入面有  ....... 生蠔 (Gillardeau)、龍蝦、毛蟹、皇帝蟹、大toro、蟹子、象拔蚌、赤貝 ..... 我地又另外加了一碟中toro







之後就去隔離壽司區食壽司 ......


建議 : 十二點前要去到,先去壽司區拎飛,之後去旁邊蟹區食海鮮,食到咁上下壽司區應該就差唔多到你喇 ~








哩度就係燒烤區喇,室外 ...... 好熱
<上引水產>好明顯就想學人地築地市場,但係食物唔夠人地咁好味,同埋價錢都唔平 .... 我地 2 個人吃了 TWD$3,000,lunch 咋喎 ~ 同埋地點唔似築地咁方便,一出地鐵就到,唔搭的士的話其實都幾麻煩。西門町搭的士到<上引水產>大約 TWD$ 200,唔算貴。

食完本來諗住去 Aranzi Aronzo,但由於之前 google map bookmark 錯了,最後係去唔成 ....... 求期搵間 cafe 坐底飲杯野,之後去誠品行一陣又夠鐘去食<大腕燒肉>喇。


大碗燒肉有專人幫你燒,唔駛自己出手
哩個就係 serve 我地個哥哥仔喇
哩盤牛肉 ...... 正 !!
 


牛脷
燒大蝦
雞軟骨
青椒
哩碟牛比之前那一盤平,但都幾好味 ~

好滿足的一餐燒肉,真係幾好味。不過<大腕燒肉>地方唔大,坐位又唔多,去之前記得一定要訂位。

- 第四日完 -

參考資料

  • 上引水產
    台北市中山區民族東路410巷2弄18號
    (02)2508-1268
    營業時間:AM9:00 ~ PM9:00

  • 大腕燒肉
    台北市敦化南路一段177巷22號1樓
    (02)2711-0179
    營業時間:PM6:00 ~ AM12:00 (星期五、六延長至 AM2:00)


Taipei 2013 Day 3

by 12:04 PM
一早起身就係為了落樓下食酒店 buffet breakfast,哩個早餐都幾好味,唔錯。但因為 10 點半就無,而我地又唔會咁早起身,所以住咁多日我地只係食過一餐咁大把 (蝕晒.......)。

食物選擇都幾多,有中式有西式 .... 粥、飯、煎蛋、炒蛋、奄列、橙汁、奶茶、咖啡 .... 咩都有。而咖啡仲有好幾款選擇添,唔錯 !!





食完早餐,時間尚早,呆太太話要返上去訓一陣喎 ...... 唉。等佢訓完,都成 11 點幾 12 點 .....

我地原本行程係去貓空同深坑老街,但因為太晏出發又落雨,上到貓空站都 2, 3 點,深坑老街行程被迫取消。可能因為落雨無咩人上山,去到都唔駛排隊,我地仲坐透明車卡添 ~ 哈哈。

由西門町去貓空都尚算方便,搭捷運去動物園站,出站後向前行5-10分鐘就到貓空纜車動物園站喇。由於貓空會受天氣影響而停駛,出發前請去佢個網頁睇一睇係咪營運中,唔係就白行喇 ~

其實 ....... 
...... 係咪真係咁驚呢 ?





山上面有好多茶室,我地去哩間
全日都落雨 ..... so sad ~
食完個 tea 就落山喇,我地返酒店附近食胡椒餅。一人食一個胡椒餅,其實都幾飽,不過新鮮熱辣辣又真係幾好食。之後行一陣西門町,返酒店沖個涼 (又沖涼 ..... ) 就出發食鼎王喇 ~


鼎王同無老鍋原同一集團,論人氣應該係鼎王出名 D,但我地就一致覺得無老鍋比較好食。


- 第三日完 -

參考資料
  • 福州世祖胡椒餅
    電話 : 02-2311-5098
    地址 : 台北市中正區重慶南路一段13號

Taipei 2013 Day 2

by 12:03 PM
第二日行程係一早起身去食燒肉 ~~

<田季有間客棧> 位於捷運劍南路站,即係美麗華摩天輪那一個站。由捷運行過去大約8分鐘咁上下啦,哩間 <有間客棧> 的裝修係以重現六、七十年代為主題,有D似好耐世紀尖東有間 buffet (唔記得叫咩名 lu,即係而家尖東翠華樓上)。價錢唔貴同任飲任食 (台灣叫吃到飽) 係佢重點,但最特別之處係佢會有步驟教你點樣燒,最抵死係佢燒多春魚的方式,真係超搞野同超成功。哈哈 .......






炭火燒烤
肉類一般般,不過任食,唔要求得咁多


多春魚原來係要反轉個網來燒,真係大開眼界 !!
食完大約 2 點,我地原先行程係諗住去基隆,不過去到台北站買飛時發現居然無晒畫位飛賣,唔係要我企成個鐘去呀嘛 ?? 最後 ...... 我地選擇放棄。

去唔成基隆,唯有留在台北買野,老實講台灣真係無乜特別野好買 ..... 最後呆太太買了一箱 "第一化妝品"、一支龍眼蜜、一堆 "薑心比心",而我就買了一支台灣產 whisky。

夜晚我地去 <肥田屋> 食鰻魚飯,哩間野又係網上熱評,但唔知係咪當日落雨,我地又唔係排好耐隊咋喎。佢個鰻魚飯都幾好食 (連排我地後面一對歐洲人,唔識睇 menu 都識得哩間野,真利害 .... ) 但就有點點貴囉。



食完返酒店,唔知係咪太耐無咁樣行法,好死攰。我最後提議去按腳 ~ 哈哈

按之前本來諗住之後去食宵夜,但按完我又唔肚餓喎。唔知係咪因為落雨的關係,車仔檔全部都無開,呆太太最後要餓住咁訓 ~~ 哈哈哈 ~~~

- 第二日完 -

參考資料

  • 田季有間客棧 [捷運劍南路站]
    電話 : +886 2 8501 2048
    NT$499吃到飽
    http://hito-bbq.stonebbqtw.com/inn.html

  • 肥前屋鰻魚飯
    營業時間:AM11:30 ~ PM2:30 | PM5:00 ~ PM9:00 (每週一公休) 
Powered by Blogger.