Featured

8/recent

Day One - Tokyo One Piece Tower

by 10:00 PM
9 點鐘機,本來預計 2 點到東京,5 點前會到到酒店 check-in。點知禍不單行,先係起飛 delay,之後 Narita Express 又壞車,最後搞到 6、7 點先到到酒店。拿拿聲 check-in 完之後就落樓下食返碗天神拉麵 (全日只係食左碗魚旦粉同機上食左個包咋) ...... 真慘 ......

食完碗拉麵就去第一站 > One Piece Tower





One Piece Tower 位於東京鐵塔底層,入面分左幾個唔同遊戲區域:

魯夫的無止盡冒險
索隆的一刀兩斷
娜美的賭場
騙人布的目標是狙擊王
羅賓的古代文字之謎探索之旅
布魯克的鬼屋

門票 3,200yen,入面遊戲可以無限任玩。









可能我地太晏去,所有野都唔駛排隊,仲可以玩左好幾次騙人布的目標是狙擊王添,玩到收館就返返歌舞伎町北の家族食蟹放提 (** 歌舞伎町店已停止營業)

歌舞伎町店就在我地間哥斯拉酒店樓下,入到去表明來意,之後就緊係 ...... 食食食啦。




睇返網頁,放提每位¥4,300,包飯品放題每位¥5,500 (要留意唔係每一間北の家族都有蟹放提架!!) 另外要留意套餐中只有蟹係放題,其他的前菜、小食都只得一份。我地點的是燒蟹,但其實係可以選火鍋 (只可以二選一、無得食食下轉) ...... 燒蟹其實比較費時,如果想回本,我諗食火鍋會較化算。

食完都12點幾,係時候返酒店休息啦。


參考資料



東京北海道 2015 - 行程安排

by 10:00 PM


29/10 (Day One)
HK Airport --> CX --> Narita Airport
Narita Airport --> Narita Express --> 新宿
赤坂ふきぬき本店 (鰻魚飯)
One piece tower
北の家族歌舞伎町店 (蟹放提)
Hotel Gracery Shinjuku



30/10
Shinjuku --> 都營大江戶線 --> 築地
築地 --> 都營大江戶線 / JR山手線 --> 原宿
原宿 --> JR山手線 --> 新宿
燒肉風風亭
Hotel Gracery Shinjuku

31/10
新宿 --> JR --> Disneyland Sea
Disneyland Sea --> JR --> 新宿
Hotel Gracery Shinjuku

1/11
東京麺通団
新宿 --> JR山手線 / 東急東橫線 --> 自由之丘
自由之丘 --> 東急東橫線 --> 渋谷
渋谷 -->  JR山手線 --> 新宿
Hotel Gracery Shinjuku

2/11
新宿 --> Narita Express --> Narita Airport
Narita --> Jetstar --> Sapporo
OTS 取車
千歳アウトレットモール・レラ (Outlet)
三井アウトレットパーク 札幌北広島 (Outlet)
えびかに合戦 札幌本店 (蟹放題)
nest HOTEL sapporo odor

3/11
二条市場
旭山動物園
燒肉村
Log Hotel Larch

4/11
富良野芝士工房
森林精靈的露臺
小樽運河
政壽司
Dormy Inn Premium Otaru

5/11
三角市場
登別地獄谷
洞爺湖乃之風

6/11
金森赤レンガ倉庫
小丑漢堡
函館山
大門横丁
函館 La Vista

7/11
函館朝市
余市博物館
三井アウトレットパーク 札幌北広島 (Outlet)
燒肉南光園
Holiday Inn Ana Sapporo Susukino

8/11
場外市場
OTS 還車
Sapporo -> CX -> HK Airport


Day Six - 最後一天

by 5:25 PM

話咁快就到最後一日,由於我地搭晏畫機,都仲有半日時間玩。今日一早就起身,執好行裝,Checkout 後就先返去琉球ガラス村拎返我地之前玻璃體驗的製死品。之後呆太太就會再戰Ashibinaa Outlet Mall,但路途上我地見到一個"街市",好似好得意咁,於是就入去睇下......一入到去,超多人,好在又俾我地好好彩搵到位停車喎,呵呵呵。




哩個應該係一個菜市場,入面有好多唔同地方的菜賣,我地行左一陣,買了2個沖繩苦瓜返香港(不過味道一般)。離開前呆太太對門口一個小食檔好有興趣,買了一個好大粒的"魚蛋",原來入面有飯,所以咁大粒。




行多一陣Ashibinaa Outlet Mall就過對面還車,再搭接送巴士去機場。沖繩之旅就完喇 ...... bye bye


Day Five - 漁市場

by 5:17 PM
今日主要行程係行魚市場。分別係"泊港魚市場"、"牧志市場"同"泡瀨漁港パヤオ直売店"。

一早起身......居然落雨......咁掃興?!...... (哩日係我地6日入面唯一一日落雨)


"泊港魚市場",典型的日式魚市場,有原條魚賣,又有一盒盒切好的剌身。不過留意 --- "泊港魚市場"無一個堂食位置,只可以"立食",大家買好晒之後可到市場盡頭,有一個位置有張枱俾你食。我地買了一盒 toro 同一盒唔知咩魚......價錢唔貴,不過好似唔夠築地好味。








食得2碟剌身,當然唔夠喉啦,咁就要去"牧志市場"再食過啦,"牧志市場"位於國際通內的平和通,食完可以順道到國際通"鳩嗚"(購物)。"牧志市場"有點似我地香港的街市,入面除海鮮之外仲有肉同其他濕貨賣。"牧志市場"地下係市場,樓上一樓係一個熟食中心,哩度好似去西貢食海鮮咁,揀好海鮮之後就會有人帶你上樓上。我地要了2隻大蝦、一板海膽同一個夜光貝。













味道就一般般......海膽都幾好味,蝦就普普通通,夜光貝就麻麻地(同食螺無乜分別)......價錢方面都唔平,買料8,500yen,食物加工費1,500yen,埋單都要成萬 yen。哩個價錢我地較傾向去"泊港魚市場"買刺身食。


食完在市場附近閒逛一下,附近的店舖都係以賣乾貨為主,好多都係經營了好耐的老鋪。



沿平和通一路行見到"花苙食堂",網上好多人推介哩間"花苙食堂",但我地今次就未有機會試食,門口睇下D價錢都幾抵食,有機會的話應該可以試下。再行前無耐就係"鹽屋",入面賣的產品全部都同鹽有關,從食用鹽到鹽味雪糕再到沖涼洗手護膚都有。呆太太更加買左一大筒返香港,話用來洗面、洗頭喎可以。我就食左個軟雪糕,真係幾好味,一定好食過 Bluesilk ...... 而且仲有好多唔同味的鹽俾你自己加上去做 topping。推介~~




行返出國際通,有間"卡樂B",我地經過過2次都收左鋪,今次終於都有機會睇下喇。入面有好多唔同種類的卡樂B產品,仲有好多沖繩限定,我地見到當然就買買買啦。不過返到香港食返,味道麻麻地,價錢又貴,唔抵買。




之後行埋 "Ryubou Department Store" (呆太太話要行 Le Creuset 喎) 就去下一個魚市場 - "泡瀨漁港パヤオ直売店"

"泡瀨漁港パヤオ直売店"有一個3點半限定的1,600yen海膽燒龍蝦定食在網上非常出名,雖然路程有點遠,但我地都決定去試一試。不過非常不幸,原來哩個限定優惠只限星期一至五......有無搞錯!! 不過一場來到,無理由唔食,我地叫了一個正價的定食試一試。賣相唔錯,但無"海鮮料理 浜の家"咁好味,仲要有半邊龍蝦係死死地唔太新鮮 (我地係叫一隻,不過佢應該唔係即叫即開,所以有一邊係無事,一邊D肉就唔係太實淨)......


我地覺得如果會去"海鮮料理 浜の家"就可以唔駛去"泡瀨漁港パヤオ直売店",因為都幾遠,唔值 ~ 如果順路,時間又許可的話都可以一試,專登去就無必要囉。

"泡瀨漁港"仲有其他乾、濕貨賣,不過種類唔太多同地方都幾細,我地就只係買了一個麵豉,呆太太話好味喎~

原本的行程係應該下午去美國村,但因為行錯路同之前逗留在國際通太耐,去到美國村已經天黑了。其實美國村係多D鬼佬聚集之外 (因為付近係美軍基地),其實都無咩特別。行左無耐,呆太太就決定再次轉戰激安 ...... 但係車內的 GPS 居然唔識路,帶左我地去一個唔知咩鬼地方,好在有 Google 大神,靠住 Google Map 我地都可以到達目的地。(註: 呆太太話哩間激安無國際通那間咁好行) 行完激安,呆太太要再走多轉"天久Ryubo樂市"先至肯收手。



參考資料

  • 泊いゆまち(泊港魚市場)
    營業時間: 6:00-18:00
    地址:沖縄県那覇市港1-1
    電話:098-868-1096
    MapCode: 33 216 083

  • 牧志市場
    營業時間: 6:00-20:00 (市場) / 11:00-19:00 (食堂)
    地址: 沖繩縣那霸市那霸市松尾2-10-1
    電話: ---
    MapCode: 33 157 264

  • 泡瀨漁港パヤオ直売店
    營業時間: 10:30-17:30
    地址:沖縄県沖縄市泡瀬1-11-34
    電話:098-938-5811
    MapCode: 33 565 341

  • 美國村
    營業時間: ---
    地址:沖繩縣中頭郡北谷町字美濱
    電話:---
    MapCode: 33 526 277

  • 激安之殿堂 (宜野灣店)
    營業時間: 09:00 - 5:00
    地址:沖繩縣中頭郡北谷町字美濱
    電話:098-942-9911
    MapCode: 33 434 024


Day Four - 沖繩美麗海水族館

by 3:23 PM

今日行程只有一個,就係"海洋博公園"喇。沖繩有兩大公園,一個係"首里城公園",而另一個就係"海洋博公園"喇。根據網站介紹,"海洋博公園"是為了紀念1975年舉行的沖繩國際海洋博覽會,於1976年8月在博覽會舊址被設立的國營公園。而"海洋博公園"一大賣點就係"沖繩美麗海水族館 (Okinawa Churaumi Aquarium)",哩個水族館基本上係沖繩必到的景點。"海洋博公園"係免費入場,但"沖繩美麗海水族館"就要收費喇。


"沖繩美麗海水族館"有著全球最大的魚缸,入面有多條透過人工繁殖的鯨鯊同世上最大的鬼蝠魟。

因為今日要離開 Kafuu Resort 喇,臨走前呆太太話要食多次 Deli 個早餐 (其實佢係想食塊多士),咁我地就2個人 share 1 個餐啦,原來哩度個早餐每日都唔同,又幾好喎。食飽,Check-out 之後就出發啦 ~




第一站係"岸本食堂",其實我個 Plan 係去"岸本食堂"食早餐的,俾呆太太打亂左少少個計劃,不過唔緊要,照去 ~ "海洋博公園"位於沖繩最北面,由 Resort 所在的恩納村出發都要1個小時的車程,所以就改為去"岸本食堂"食晏啦。

"岸本食堂"有兩間分店,本店位處本部渡久地的市場裡面,而我地去的一間係八重岳店,兩間"岸本食堂"都離"海洋博公園"不遠,如果要去"海洋博公園",建議可以先到"岸本食堂"食個麵先。我覺得哩度個麵仲好食過"百年古家大家",而且價錢只係450yen一碗(細碗),真係幾抵食。另外沖繩炊飯都好好味,我地2個人叫了2個細麵加一個炊飯,正 ~



食完就繼續行程,八重岳店離"海洋博公園"大約10分鐘車程,好近。由於"海洋博公園"佔地非常大,停車場都有好多個,網上建議泊在 P7 停車場,因為最近"沖繩美麗海水族館",請參考公園地圖 : http://goo.gl/t2lJkZ



上湯焗定芝士 ??













"海洋博公園"真係好大,我地只係去左"沖繩美麗海水族館"、"海豚劇場"、"海龜館"、"海牛館"同"翡翠海灘"。"海洋博公園"真係幾值得去,真係幾靚同幾多野睇,我地都玩左大半日。

因為今日我地要返返那霸市,車程要成2個鐘,中途我地去左美國村入面間"グルメ回転寿司市場"食少少野。網上好多人推介哩間"グルメ回転寿司市場",我就覺得無咩特別喇,都好食,但就唔係好到"嘩"一聲囉,我建議唔駛專登去食,順路就去啦。而行程上我地聽日都會去美國村,所以食完就繼續向那霸市方向前進。







由於我地食左少少野,未肚餓住,所以先 check-in,之後過左對面 Duty Free 同藥房行左陣先再轉戰"國際通"。可能因為星期五,"國際通"勁塞車,最後呆太太中途落車自己行,我就去搵位泊車。雖然係星期五,但"國際通"都好準時10點咁上下就關門,行左唔係好耐,無計,唯有去食野啦。之前呆太太嫌我揀的食店太"行貨"唔得地道,今次由佢揀 ......



雞肝?!

哩個雞幾好味
又扮醉 ?!
佢揀左停車場隔離一間食燒物的居酒屋叫"海援隊",吾......都幾好食,即叫即燒,仲有100yen一杯啤酒,值得一試。

食完都12點幾,準備返酒店,行到半路,呆太太問仲咩唔去"激安" ...... 太遲了,出左車,兜返"國際通"唔係問題,問題係又要俾錢泊車 ...... 因為停車場設有最高收費,所以我地頭先泊左成晚都係 800yen,如果而家返轉頭又要俾錢泊過喇,非常唔化算,好在,無啦啦又經過一間24小時謍業的商店。望一望原來就係"天久Ryubo樂市" ...... 哩度有間超市同有間100yen店,都係開通宵,合晒呆太太胃口 ...... (好過無啦)

行完"天久Ryubo樂市",今日行程正式完結。

參考資料

  • 岸本食堂 (八重岳店)
    營業時間: 11:00-19:00
    地址: 日本沖縄県国頭郡本部町伊野波350-1
    電話: 980-47-6608
    MapCode: 206 859 346

  • 海洋博公園
    營業時間: 8:30-18:30
    地址:縄県国頭郡本部町石川424
    電話:0980-48-2741
    MapCode: 553 075 375

  • グルメ回転寿司市場 (美浜店)
    營業時間: 11:00-23:00
    地址:沖縄県中頭郡北谷町美浜2-4-5
    電話:098-926-3222
    MapCode: 33 526 459

  • 海援隊沖縄 (一銀通り店)
    營業時間: 17:00-01:00
    地址:沖縄県那覇市牧志1-1-9
    電話:098-861-8451
    MapCode: 33 157 369


Powered by Blogger.